‘Erdenet oldschool 2022’ тоглолт болоход зургаа хоног үлдлээ

Хүний амьдарлын өнгөрсөн цаг хугацаа бүх зүйл дурсамж болж үлддэг. Тэрхүү дурсамжийг хүн бүр өөр өөрийн сэтгэл хөдлөлөөр төсөөлж, бодож, хадгалж авч үлддэг. Харин амьдарлыг баяр баясгалантай, дурсамжтай болгодог зүйлийн нэг бол яах аргагүй дуу хөгжим. Дуу сонсох дуртай хэн бүхэнд хуучны дуунууд дурсамжийг нь сэдрээх биз ээ. Ялангуяа 1996-2006 оны тухайн үеийн залуус бол тухайн үед эд мандаж байсан хамтлаг, дуучдын хит дуунуудыг тэсэн яадан хүлээж сонсож байсан биз ээ. Тэр үед од болон гялалзаж байсан хамтлагуудын дийлэнх нь Эрдэнэт хотын залуус юм. Өдгөө та бүхний хамгийн сайн мэдэх OUTLAW, 3 БҮДҮҮН хамтлаг юм. Тус хамтлагууд одоо ч хэр нь уран бүтээлээ тасралтгүй туурвиж Үзэгч, Сонсогч фэйнүүддээ шинэ уран бүтээлээ бэлэг барьсан хэвээр байгаа. Тэгвэл та бүхний тэрхүү өнгөрсөн дурсамжийг ахин нэг сэргээхээр 1996-2006 оны хуучны бүх цаг үеийн дуу, бүжгийн шилдэг 30 хамтлаг нэгдэж нэг тайзнаа, нэгэн үдшийг үзэгч, сонсогч фэйнүүдтэйгээ хамтдаа доргиох гэж байна. Энэхүү тоглолт нь 20 жилийн дараа Эрдэнэт хотоор овоглосон хамтлаг дуучид, бүжгийн хамтлагууд нэгэн тайзан дээр нэгдэж байгаагаараа онцлогтой юм. Та бүхний дурсамжид байдаг тэрхүү уран бүтээлүүд Эрдэнэт хотын Цэнгэлдэх хүрээлэн буюу “Erdenet oldschool 2022” фестивальд зөвхөн ганцхан өдөр буюу тавдугаар сарын 28-ны өдрийн 15:00-00:00 цаг хүртэл эгшиглэх болно. Иймд Эрдэнэтчүүд та бүхэн хүрэлцэн ирж дахин давтагдашгүй нэгэн үдшийг хамтдаа өнгөрүүлж өнгөрсөн бүх дурсамжаараа аялахыг хүсэж байна.

“Erdenet oldschool 2022” фестиваль тоглолтыг Ш. Мөнхбаяр МУСТА хөтлөн явуулах бол Тоглолтод Б. ЦОГТДЭЛГЭР /КУМО/, 3 БҮДҮҮН, МӨӨЖИГ /МУСТА/, ВРАВО КИДС & СООГИЙ, B.E.J, SKYZONE, ЦУУРАЙ, ELEGANT поп хамтлагууд, AC&DC-1, AC&DC-2, BIGGUN, БИД 5, ЭЗЭН ХААД реп бүжгийн хамтлаг, OUTLAW, T.I, ЧИНЗО /LUMINO/, ЧИНЗО /DIGITAL/, БАРУУНТАН, LONGCHAIN, X-ХЯЗГААР, НОЁРХОГЧ, ДЭЭД ХЭМЖЭЭ,

UBY, ДЭЭД РЕП, NEW VOICE, STAR /TRIPLE/, THE ONE, RAP SCHOOL, FRANK SEAL, МС ТУКА, ЭХЛЭЛ, GRAD RAP, BAD BOY, SHADOW, STING, TRAP IN FIRE hip hop хамтлагууд болон OPEN MIC оролцогчид уран бүтээлээ хүргэх юм.

Тоглолтын Ерөнхий ивээн тэтгэгч: ББ Сан, Хамтран зохион байгуулагч: Орхон аймгийн Засаг Даргийн Тамгийн Газар, Ивээн тэтгэгч: Эрдэнэт Нутгийн Зөвлөл, Шилдэг Зам ХХК, Эрдэнэтийн Ирмүүн Залуус НҮТББ, Баянбулаг Багийн Хөгжил ТББ, “Зэс эрдэнийн хувь” ХХК хамтран дэмжин ажиллаж байгаа бол Мэдээллийн ивээн тэтгэгчээр Orkhonnews.mn, Эрдэнэтийн дуу хоолой FM-106.5, Shoppy-Баяр нэмье, Мэлмий гэрэл зургийн сонирхогчдын бүлгэм, Номин телевиз, GEGE- Хэвлэл хаяг реклам, Эрдэнэт Инфо сайт ажиллаж байгаа юм.

Тоглолтын тасалбар бүрийн орлого сайн үйлсийн аянд зориулагдах тул тасалбар буцаах боломжгүй юм байна. Харин та бүхэн тасалбараа шоппи.мн буюу цахим тасалбараас худалдан аваарай.